રૂની ગામના જવાને ૧૦૦ કિ.મી.અલ્ટ્રા મેરેથોન દોડમાં બ્રોન્ઝ મેડલ મેળવ્યો

સુઈગામઃ બનાકાંઠાના ભાભર તાલુકાના રૂની ગામના વતની અને આર્મીમાં ફરજ બજાવતા હપુરસિંહ ઠાકોરે ૧૦૦ કી. મી એશિયન ગેમની દોડમાં બ્રોન્ઝ મેડલ મેળવ્યો હતો. ગત ૮ ઓગષ્ટ ના રોજ બેંગ્લોર ખાતે એશિયન ગેમ ૧૦૦ કિલોમીટર અલ્ટ્રા મેરેથોન દોડ યોજાઇ હતી. આ ગેમનું આયોજન AFI તરફથી થયેલ હતું. એમાં અને ઓલ ઇન્ડિયા રનર આર્મીમેન હપુરસિંહ ઠાકોરે ૮ કલાક ૨૮ મિનિટમાં ૧૦૦ કિલોમીટરની દોડ પુરી કરતા નેશનલ લેવલે બ્રોજ મેડલ મેળવીને કોલિફાય ફાઇનલ કરેલ છે. હપૂરસિંહ બાબુજી ઠાકોર ૧૧ વર્ષથી ઇન્ડિયન આર્મીમાં ફરજ બજાવી રહ્યા છે. ૫ વર્ષથી ઓલ ઇન્ડિયન આર્મી ટીમમાં રનિંગ ટીમના કોલિફાય ખેલાડી છે અને કેટલીયે સ્પર્ધામાં મેડલ અને પ્રમાણપત્રો મેળવ્યા છે.