લોકો કલાકો સુધી લાઈનમાં ઊભા રહે છે ને ગીતા રબારી ને ઘરે જઈને વેક્સિન અપાઈ

 માધાપરની લોક ગાયિકા ગીતા રબારી વિવાદમાં આવ્યા છે. ગીતા રબારી કોરોનાની રસી લઇને વિવાદમાં ફસાયા છે. ગાયિકા ગીતા રબારી અને તેમના પતિએ પોતાના ઘરે જ કોરોનાની રસી લીધાની પોસ્ટ મૂકી હતી. ત્યારબાદ ઘણો વિવાદ થયો હતો. તેના કારણે તેણે આ પોસ્ટ ડિલીટ કરવી પડી હતી. કચ્છના DDOને ફરિયાદ કરવામાં આવતા આરોગ્ય વિભાગનાં કર્મચારીને નોટિસ આપીને આ અંગેનો ખુલાસો માંગ્યો છે. ગીતા રબારીએ સોશિયલ મીડિયામાં ટ્વિટર પર એક તસવીર શેર કરી જેમાં ઘરે નર્સ કોરોનાની રસી આપી રહી હોવાની પોસ્ટ મૂકી હતી. આ મુદ્દે વિવાદ થતાં તેમણે પોસ્ટ ડિલિટ કરી નાખી હતી પણ આ પોસ્ટના સ્ક્રીન શોટ વાયરલ થઈ જતાં ડીડીઓએ કાર્યવાહી કરવાનો આદેશ આપ્યો હતો.