સીએમ રૂપાણીએ સજોડે યોગાસન કરી યોગ દિનની ઉજવણી કરી

અમદાવાદઃ મુખ્યપ્રધાન વિજય રૂપાણીએ આંતરરાષ્ટ્રિય યોગ દિવસે સવારે ૭થી ૭.૪૫ સુધી તેમના નિવાસસ્થાને પત્નીને સાથે રાખી યોગાસન કરી યોગ દિનની ઉજવણી કરી હતી.
મુખ્યપ્રધાને આ પ્રસંગે જણાવ્યુ હતું કે, રાજ્યમા જીડીપી સાથે હેપીનેસ ઇન્ડેક્સમાં વૃદ્ધિ કરવા લોકોના તન-મનને યોગના માધ્યમથી સ્વચ્છ તંદુરસ્ત કરી દિવ્ય ગુજરાત બનાવવાની નેમ રાખી છે. ગુજરાત યોગ બોર્ડ દ્વારા યોજિત આ કાર્યક્રમમાં રમતગમત અને સાંસ્કૃતિક બાબતોના એસીએસ સી.વી. સોમ, પ્રધાન ઈશ્વરસિંહ પટેલ વગેરે સામેલ થાય હતા. આ તબક્કે મુખ્યપ્રધાન કેટલાક યોગ ટ્રેનર્સને પ્રમાણપત્રો એનાયત કર્યા હતા. અત્યાર સુધી ૭૫૦ કોચ અને ૫૩ હજાર ટ્રેનર્સ તૈયાર કરાયા હોવાનું પણ એમણે જણાવ્યું હતું. એમણે ‘હવે તો બસ એક જ વાત – યોગમય બને ગુજરાત’ થીમ સોંગનું લોન્ચિંગ પણ કર્યું હતું.