ફ્લાઇટો બંધ કરાતા ગુજરાતથી વિદેશ જવા ઈચ્છુક હજારો વિદ્યાર્થી અટવાયા

અમદાવાદઃ કોરોનાના વધતા જતાં કેસને પગલે અમેરિકા, કેનેડા, યુનાઇટેડ કિંગડમ, ન્યૂઝીલેન્ડ, સિંગાપોર સહિત ૨૧ દેશોએ ભારતની પેસેન્જર ફ્લાઇટ પરનો પ્રતિબંધ જૂન મહિના સુધી વધારવાનો નિર્ણય લીધો છે. આ નિર્ણયથી ગુજરાતમાંથી જ વિદેશ જવા માગતા હજારો વિદ્યાર્થીઓનું આયોજન ખોરવાયું છે.
વર્ષ ૨૦૧૬થી ફેબ્રુઆરી ૨૦૨૧ સુધી ગુજરાતમાંથી કુલ ૧.૭૭ લાખ વિદ્યાર્થીઓ અભ્યાસ માટે વિદેશ ગયા હતા. આ વર્ષે પણ અનેક વિદ્યાર્થીઓ અભ્યાસ માટે વિદેશ જવાનું આયોજન કરી રહ્યા હતા. પરંતુ વિવિધ દેશ દ્વારા ભારતની ફ્લાઇટ પર પ્રતિબંધ મૂકવામાં આવતા તેમનું આયોજન ખોરવાયું છે.