રશિયા સાથેના લાંબા યુદ્ધનો અંત લાવવા યૂક્રેનની મહિલાની હનુમાનજીને પ્રાર્થના

ડભોડા: ગાંધીનગરના સુપ્રસિદ્ધ ડભોડીયા હનુમાનજી મંદિર ખાતે હનુમાનજી દાદાને ખાસ પ્રાર્થના કરવા માટે આવેલી વેલેરિયા ડોગ્રો વોલ્સકા નામની યૂક્રેનિયન મહિલા એ સૌ કોઈનું ધ્યાન ખેંચ્યુ હતું. રશિયા અને યૂક્રેન વચ્ચે ચાલતા યુદ્ધને લઇને સમગ્ર વિશ્વમાં આ બંન્ને દેશોની ભારે ચર્ચા ચાલી રહી છે.
દેવી-દેવતામાં શ્રદ્ધા ધરાવતી લેડીએ ડભોડિયા દાદાના દર્શન કરીને આ બંન્ને દેશો વચ્ચે ચાલતા યુદ્ધનો અંત આવે અને શાંતિ સ્થપાય એવી પ્રાર્થના કરી હતી. યુવતીએ હનુમાનજીનો ફોટો પણ તેના ઘરના પૂજા સ્થાનમાં રાખવા માટે સાથે લીધો હતો.