નવી ટર્મના ધારાસભ્યોને રહેવા માટે આલીશાન સરકારી એપાર્ટમેન્ટ મળશે

ગાંધીનગર: નવી ટર્મના ધારાસભ્યને ગાંધીનગર સે.17માં રહેવા માટે આલીશાન સરકારી આવાસો બનાવાઈ રહ્યા છે. જેનું બાંધકામ ઝડપથી પૂર્ણ કરવા સૂચના અપાઈ છે.
રાજ્યના માર્ગ-મકાન ખાતા દ્વારા જૂનાં આવાસ તોડીને 216 લક્ઝુરિયસ એપાર્ટમેન્ટ બનાવાઈ રહ્યાં છે, જેની પાછળ રૂ. 140 કરોડ કરતાં વધુ રકમનો ખર્ચ થશે. નવા ચૂંટાયેલા ધારાસભ્યોને મિડ ટર્મ સમયે આ એપાર્ટમેન્ટ ફાળવાય તેવી સંભાવના છે.
ગાંધીનગરમાં સૌપ્રથમવાર 1970માં સદસ્ય નિવાસ બનાવવામાં આવ્યાં હતાં. હાલ જે નિવાસસ્થાન છે તે સાંકડા હોવાથી નવા આવાસ મોટા બનાવાશે. આ આવાસો 1860 ચો.ફૂટ વિસ્તારમાં તૈયાર કરાશે, જેમાં ઓડિટોરિયમ, વોકિંગ ટ્રેક, કિચન, ડાઇનિંગ હોલ, ડ્રાઇવર રૂમ, ગાર્ડન, પ્લે ગ્રાઉન્ડ, હેલ્થ ક્લબ,ે જિમ હશે. એક એપાર્ટમેન્ટમાં ચાર બેડરૂમની વ્યવસ્થા હશે.