વિહારની સીમમાં ખોદકામમાં મૂર્તિઓના અવશેષો મળી આવ્યા

મહેસાણાઃ માણસા તાલુકાના વિહાર ગામની સીમમાં આવેલા વિહારીયા હનુમાનજી મંદિરની બાજુ પુરાતન વિભાગ દ્વારા છેલ્લા એકાદ વર્ષથી સંશોધનનું કામ હાથ ધરાયું છે. તાજેતરમાં થયેલા ખોદકામમાં નાની-મોટી મૂર્તિઓના અવશેષો સાથે માટીના વાસણોના ટુકડા મળી આવ્યા છે.
પ્રાથમિક ધોરણે આ ઐતિહાસિક બાંધકામ મંદિરનું હોવાનું અનુમાન કરાઇ રહ્યું છે. ઇંટો અને માટીના ચણતરવાળા આ સ્ટ્રક્ચરની એક બાજુ પોલાણવાળો ભાગ મળી આવ્યો છે. જોકે, તેની અંદરના ભાગે શું છે તે ખોદકામનું કામ પૂર્ણ થયા બાદ જાણી શકાશે.