સુરતઃ સુરતના સિંગણપોર ચાર રસ્તા પાસે આવેલા ડિવાઈન સેન્ટરના ત્રીજા માળે લાઈબ્રેરી છે જ્યાં મોટી સંખ્યામાં વિદ્યાર્થીઓ વાંચવા માટે આવતા હોય છે. ત્યારે બુધવારે સાંજે બેઝમેન્ટ આગ લાગી હતી જેમાં ત્રીજા માળ સુધી આગ પહોંચી જતાં લાઈબ્રેરીમાં વિદ્યાર્થીઓ ફસાઈ ગયા હતા. જે અંગે કોલ મળતાં ફાયરબ્રિગેડ દોડતું થઈ ગયું હતું અને સાત ફાયર સ્ટેશનની ૧૬ ગાડી, ૭૦ અને ૫૫ મીટરની ઊંચાઈને બે હાયડ્રોલિક પ્લેટફોર્મ્સ, ૫૪ મીટરની ઊંચાઈ ધરાવતું ટર્ન બેટલર લેડર જેવા અત્યાધુનિક સાધનો અને ચીફ ફાયર ઓફિસર સહિત ૧૨ અધિકારી અને ૭૦થી ૮૦ જવાનો ઘટનાસ્થળે દોડી ગયા હતા.
