પટિયાલાઃ પંજાબના પટિયાલામાં શિવસેના અને ખાલિસ્તાન સમર્થકોની વચ્ચે થયેલા ઘર્ષણ બાદ સ્થાનિક પ્રશાસન સતર્ક થતા આગામી 11 કલાક માટે શહેરમાં કલમ 144 લાગુ કરી દીધી છે. શહેરમાં કાયદો અને વ્યવસ્થા ન બગડે તેને ધ્યાનમાં લઈને પ્રશાસને આ પગલું ભર્યું છે. બીજી તરફ, શિવસેનાએ પટિયાલા યુનિટના અધ્યક્ષ હરીશ સિંગલાને પાર્ટી વિરોધી કાર્યવાહી કરવાના કારણે સસ્પેન્ડ કરી દીધા છે. આ ઘટના પર પ્રતિક્રિયા આપતા પંજાબના મુખ્યમંત્રી ભગવંત માને કહ્યું કે, આ દુર્ભાગ્યપૂર્ણ છે. માને ભરોસો આપ્યો કે તેમની સરકાર કોઈને કાયદો પોતાના હાથમાં લેવાની મંજૂરી નહીં આપે. આ ઘટનામાં બે પોલીસકર્મી સહિત ચાર લોકો ઘાયલ થયા છે.
