વાઇબ્રન્ટના મંચ પર નેતાઓ હસ્તધૂનન પણ નહીં કરી શકે

ગાંધીનગરઃ વાઇબ્રન્ટ ગુજરાત સમિટ વખતે દેશ વિદેશના વડાંઓ વચ્ચે મૈત્રાચારીના પ્રતીકરૂપે ભેટીને કે હસ્તધૂનન દ્વારા અભિવાદન કરવામાં આવે છે, પરંતુ આ વખતે યોજાનારી વાઇબ્રન્ટ સમિટમાં આ દ્રશ્યો જોવા નહીં મળે. ગુજરાત સરકારના આરોગ્ય વિભાગે સૂચના આપી છે કે અહીં આવનારાં દરેક વ્યક્તિ વિશેષ વચ્ચે સલામત અંતર જળવાવું જોઇએ.આ માટે ઉદ્યોગ વિભાગને એવી સૂચના આપવામાં આવી છે કે ડાયસ પર અને હોલમાં મૂકાનારી ખુરશી વચ્ચે ઓછામાં ઓછું એક મીટર જેટલું અંતર હોવું જોઇએ.