પાલનપુરઃ ખેડબ્રહ્માનું સુપ્રસિદ્ધ યાત્રાધામ જે નાના અંબાજી તરીકે ઓળખાય છે ત્યાં દૂરદૂરથી લાખો માઈભક્તો મા અંબેનાં દર્શન કરવા આવતા હોય છે. માતાજીની લીધેલી બાધાઓ પૂર્ણ કરતા હોય છે, ત્યારે 3 જૂને શનિવારે અંબિકા માતાજી ટ્રસ્ટ દ્વારા 1 કિલો 600 ગ્રામ સોનાનાં આભૂષણો અર્પણ કરાયાં હતાં. જેમાં માતાજીનો મુગટ, માતાજીના કુંડલ, હાર, કલગી, નથણી, ચાંલ્લો, નીલમ, આચ, અને દીવીઓ બનાવી માતાજીના શણગારમાં વૃદ્ધિ કરેલ છે. વટ સાવિત્રી પૂનમે આભૂષણો માતાજીને અર્પણ કર્યાં હતાં.
