રાજૌરીઃ જમ્મુ-કાશ્મીરના રાજૌરીના કાંડી જંગલમાં સુરક્ષાબળ અને આતંકવાદીઓ વચ્ચે શુક્રવારે 5 મેએ અથડામણ થઈ, જેમાં સેનાના 5 જવાન શહીદ થઈ ગયા. 2 દિવસની આ અથડામણમાં સેના દ્વારા વળતા ફાયરિંગમાં બે આતંકીને ઠાર મારવામાં આવ્યા. આ દરમિયાન શનિવારે રક્ષામંત્રી રાજનાથસિંહે જમ્મુ-કાશ્મીર બોર્ડરના રાજૌરી અને પુંછમાં સુરક્ષા વ્યવસ્થાની સમીક્ષા કરી હતી. ઓક્ટોબર 2021થી અત્યાર સુધીમાં કુલ 8 હુમલા કરવામાં આવ્યા, જેમાં 26 સૈનિક શહીદ થવાની સાથે કુલ 35 લોકોનાં મોત નીપજ્યાં છે.
પુંછમાં પાંચ જવાન શહીદ થતાં સેનાએ રાજૌરીના કાંડી જંગલમાં ઓપરેશન ત્રિનેત્ર લોન્ચ કર્યું છે. આ ઓપરેશન દરમિયાન એક આતંકીને ઠાર મારવામાં આવ્યો, જ્યારે અન્ય એક આતંકી ગંભીર રીતે ઘાયલ થયો હતો. શુક્રવારના હુમલાની જવાબદારી આતંકી સંગઠન જૈશ સાથે જોડાયેલા પિપલ્સ એન્ટિ ફાસિસ્ટ ફ્રન્ટે લીધી છે.
