પાલનપુરઃ ગુજરાત સહિત દેશવિદેશના શ્રદ્ધાળુના આસ્થા સમાન અંબાજી માતાના મંદિરે અપાતા મોહનથાળના પ્રસાદમાં બનાવટી ઘી વપરાયું હોવાનું સામે આવ્યું છે. આ અંગેના નમૂના ફેલ થતાં મોહિની કેટરર્સ અને અમૂલ દ્વારા પોતપોતાનો બચાવ કરવામાં આવ્યો છે. તો ઘી ખરીદાયું છે તે નીલકંઠ ટ્રેડર્સના માલિકની ધરપકડ કરાઈ છે. આ ઘટનાક્રમ બાદ મોહિની કેટરર્સ પાસેથી કોન્ટ્રાક્ટ લઈ ટચ સ્ટોન ફાઉ. એટલે કે અક્ષયપાત્રને સોંપાયો છે. જો કે ટચ સ્ટોનને પણ અગાઉ પ્રસાદમાં ભેળસેળ કરતા રૂ. 60 હજારનો દંડ કરાયો હતો.
