સુરતઃ સુરતની ખજોદ ડાયમંડ બુર્સ લેબર કોલોનીમાં 2 વર્ષની બાળકી રમી રહી હતી, ત્યારે 3 શ્વાન તેના પર તૂટી પડ્યાં હતાં અને આખા શરીરે 40થી વધુ બચકાં ભરી લીધાં હતાં. ઘાયલ બાળકીને હોસ્પિટલમાં ખસેડાઈ છે. બાળકી રમતાં કોલોની પાછળના ખુલ્લા મેદાનમાં ગઈ હતી, જ્યાં 3 કૂતરાં તેના પર તૂટી પડ્યાં હતાં. કૂતરાંઓએ બાળકીના માથાના વાળ સહિત ચામડીનો મોટો હિસ્સો કરડી ખાધો હતો. ડોક્ટરને કૂતરાના હુમલામાં બાળકીનાં ફેફસાંમાં કાણું પડી ગયું હોવાની શંકા છે.
