કેવડિયાઃ ગુજરાત સરકારની ત્રિદિવસીય ચિંતન શિબિર પૂર્ણ થતાં રાજ્યના મુખ્યમંત્રી ભૂપેન્દ્ર પટેલે જણાવ્યું હતું કે, ચિંતન શિબિર વૈચારિક તાકાત ઊભી કરવાની સાથે જનસેવાના સંકલ્પને દોહરાવવા ઉપરાંત સરકારની સેવાને વધુ સુલભ બનાવવાનું વિચાર મંથન છે. નવતર બાબતોના અમલમાં કેવી મુશ્કેલી કે પડકારો આવી શકે તે શોધવા માટે ચિંતન શિબિરના વિચારો બહુ જ ઉપયોગી નિવડે છે.
મુખ્યમંત્રીએ દસમી ચિંતન શિબિરનું સમાપન કરાવતાં કહ્યું કે, છેવાડાના માનવીને સરકારી યોજનાનો લાભ મેળવવામાં મુશ્કેલી ન પડે તેવી કાર્યશૈલી વિકસાવવા અને તેમાં ટેક્નોલોજીનો વિનિયોગ કરવા શિબિર ખૂટતી કડીઓ પૂરવાનું કામ કરે છે. ચિંતન શિબિરમાં વૈચારિક તાકાત ઊભી કરવાની સાથે જનસેવાના સંકલ્પને દોહરાવવા ઉપરાંત સરકારની સેવાને વધુ સુલભ બનાવવા વિચાર મંથન થયું છે.
