દીવ દેશનું પ્રથમ સોલાર સિટી બન્યું છે. દીવનાં મલાલા વિસ્તારમાં ૫૦ એકરમાં સોલાર પાવર પ્રોજેકટ કાર્યરત થયો છે, જે દીવ નગરની જરૂરિયાત કરતાં પણ વધુ વીજ પુરવઠો ઉત્પન્ન કરે છે. સ્માર્ટ સિટીમાં સમાવિષ્ટ કુદરતી સંસાધનોથી ભરપૂર અને ટુરિસ્ટોની પ્રથમ પસંદ ધરાવતું દીવ આ સાથે જ દેશનું પ્રથમ સોલાર સીટી બની ગયું છે. દીવને હવે વીજ પુરવઠા માટે કોઈ પણ પર નિર્ભર રહેવું પડતું નથી. મલાલા વિસ્તામાં 50 એકરમાં સોલાર પાવર પ્રોજેકટ છે. દરિયાકિનારાની નજીક આવેલો કેન્દ્રશાસિત પ્રદેશ દીવ જિલ્લો સંપૂર્ણ રીતે સોલાર આધારિત ઈલેક્ટ્રિકસિટી ધરાવતો દેશનો પ્રથમ જિલ્લો બન્યો છે. 2016માં પ્રથમ ત્રણ મેગાવોટનો પ્લાન્ટ કાર્યરત કરાયો ત્યારબાદ એ જ જગ્યા પર વધુ છ મેગાવોટનો પ્લાન્ટ નખાયો છે. આ પ્લાન્ટ કાર્યરત થયો છે અને સાથે સાથે જ 121 સરકારી બિલ્ડિંગો અને કચેરીની અગાસી પર સોલાર પેનલ ગોઠવીને વીજળી મેળવવામાં આવે છે.
