ભુજઃ કોંગ્રેસ ધારાસભ્ય જિજ્ઞેશ મેવાણીની ભુજ ખાતેની પ્રેસ કોન્ફરન્સમાં ફરજ પર હાજર આઇબીનાં મહિલાના કર્મચારી રીનાબહેન ચૌહાણની ખુરશી કોંગ્રેસ કિસાન સેલના કો-ઓર્ડિનેટર હરેશ શિવજીભાઈ આહિરે ખેંચી લેતાં તેઓ પટકાયા હતા અને તેમને ઇજા થઈ હતી. ફરિયાદ અનુસાર મહિલા કર્મચારી નીચે પટકાયા બાદ પણ કોંગ્રેસી નેતાએ અટ્ટાહાસ્ય કરીને કહ્યું હતું કે, ‘તમે ખુરશીને લાયક જ નથી, તમારા માટે ખુરશી ના હોય.’ બનાવ બાદાં મહિલા કર્મચારીને સારવાર માટે ખસેડાયાં હતાં. જે બાદ મહિલા દ્વારા હરેશ આહિર સામે ફરિયાદ નોંધાવાઈ છે.
