કોલકાતાઃ મેડિકલ કોલેજમાં મહિલા ડોક્ટર સાથે હેવાનિયતનો મામલો સામે આવ્યો છે. શુક્રવારે ડોક્ટરની લાશ કોલેજના સેમિનાર હોલમાં મળી હતી. રિપોર્ટ મુજબ મહિલાના પ્રાઇવેટ પાર્ટ, આંખો અને મોઢામાંથી લોહી નીંગળતું હતું. એટલું જ નહીં પેટ, જમણા પગ, ગળા, જમણા હાથ, રિંગ ફિંગર અને હોઠ પર પણ ઇજાનાં નિશાન હતાં. આ ઉપરાંત ગરદનનું હાડકું પણ તૂટેલું હતું. શનિવારે પશ્ચિમ બંગાળની ઘણી હોસ્પિટલોમાં ડોક્ટર્સે હત્યામાં સામેલ લોકોને સજાની માગ સાથે ઉગ્ર દેખાવ કર્યા હતા. કોલકાતામાં ટ્રેઇની મહિલા ડોક્ટર સાથે રેપ અને હત્યાની ઘટનાના વિરોધમાં આખા દેશમાં સરકારી હોસ્પિટલોના રેસિડેન્ટ ડોક્ટરો અનિશ્ચિત મુદતની હડતાળ પર ઉતર્યા છે.
