દ્વારકાઃ ઉનાળુ વેકેશનના અંતિમ વિકેન્ડમાં યાત્રાધામ દ્વારકામાં દર્શનાર્થીઓ તથા સહેલાણીઓ મોટી સંખ્યામાં ઊમટ્યા હતા. વેકેશન પૂર્ણ થવાના છેલ્લા પખવાડિયામાં 7 લાખ ભાવિકોએ દ્વારકાધીશનાં દર્શન કર્યાં. વેકેશનના છેલ્લા દિવસોમાં દ્વારકા મંદિરે દર્શન તથા ટૂરિસ્ટ પોઇન્ટ્સની મુલાકાત લેવા મોટી સંખ્યામાં પર્યટકો આવ્યા હતા. આ દરમિયાન દ્વારકા મંદિરમાં તેમજ ગોમતીઘાટે ભાવિકોનો ધસારો જોવા મળ્યો. દ્વારકાના રમણીય બીચ, સંગમ, નારાયણ મંદિર, ગાયત્રી મંદિર પાસેનો બીચ, ભડકેશ્વર ચોપા વગેરે સ્થળે મોટી સંખ્યામાં લોકો આવ્યા હતા.
