અલંગ શિપ બ્રેકિંગયાર્ડમાં એક વૈભવી ક્રૂઝ શિપ ભંગાણ માટે આવ્યું છે. ગુરુવારે સાંજે તે લાંગરાયું હતું. 1980માં બનેલા આ શિપમાં 10 માળ છે અને તેનું વજન 11,780 ટન છે. સૌપ્રથમ આ કૂઝ શિપનું નામ વાઇકિંગ સાગા હતું, જે બાદ અનેક વખત તેનાં નામ બદલવામાં આવ્યાં હતાં. છેલ્લે આ ક્રૂઝ શિપનું નામ સનબ્રાઇટ રખાયું હતું. 1990માં આ શિપમાં આગ લાગી હતી, તે પછી ફિનલેન્ડ ખાતે તે નવેસરથી બાંધવામાં આવ્યું હતું અને 1992માં ફરી તરતું મુકાયું હતું. 1994માં તે અંશતઃ ડૂબી ગયું હતું. બાદમાં તેનું સમારકામ કરાયું હતું.
