ભુજઃ લાયન્સ હોસ્પિટલની વિસ્તરતી સેવાઓને જોઈને યુકેના એક દાતાના સહકારથી પંચદિવસીય 220મો મફત નેત્રનિદાન કેમ્પ યોજાયો હતો. જેમાં 111 દર્દીઓનાં મોતિયાનાં સફળ ઓપરેશન કરવામાં આવ્યાં હતાં. પ્રોજેક્ટ કો-ઓર્ડિનેટર તરીકે વ્યોમા મહેતા સાથે વિપુલ જેઠી, શૈલેશ માણેક ઉપસ્થિત રહ્યાં હતાં. દાતાના દાન-સહકાર બદલ ડાયાલિસીસ દર્દીના સંબંધીઓએ આભાર માન્યો હતો. જિલ્લાના કોઈપણ ગામમાં ફ્રી આંખ નિદાન કેમ્પનું આયોજન કરવું હોય તો લાયન્સ હોસ્પિટલનો સંપર્ક કરી શકાય છે તેવું યાદીમાં જણાવાયું હતું.
