અમદાવાદઃ ગુજરાતમાં અમદાવાદના આંગણે 5 જૂનથી વિશ્વની પ્રથમ યોગાસન ચેમ્પિયનશિપ યોજાઈ ગઈ. પીએમ મોદીએ વર્ચ્યુઅલી ઉપસ્થિત રહી ચેમ્પિયનશિપનો પ્રારંભ કરાવ્યો હતો. મોદીએ કહ્યું કે, આજથી વિશ્વની સ્પોર્ટ્સ લેગેસીમાં નવો અધ્યાય જોડાયો છે. ભારતે આ ચેમ્પિયનશિપમાં પ્રભાવશાળી પ્રદર્શન કરી 102 ગોલ્ડ મેડલ સહિત કુલ 114 મેડલ મેળવ્યાં છે. ભારતે 9 સિલ્વર અને 3 બ્રોન્ઝ મેડલ પણ જીત્યાં હતાં. 79 દેશોના 522 ખેલાડીઓએ ચેમ્પિયનશિપમાં ભાગ લીધો હતો, જેમાંથી 31 દેશોએ ઓછામાં ઓછો એક મેડલ જીત્યો હતો.
