કચ્છના 6 રસ્તાને ફોરલેન બનાવવા રૂ. 629 કરોડ મંજૂર

ગાંધીનગરઃ મુખ્યમંત્રી ભૂપેન્દ્ર પટેલે કચ્છ જિલ્લાના 6 રસ્તાઓને ફોરલેન બનાવવા રૂ. 629 કરોડની ફાળવણી કરી છે. કચ્છના ગ્રામીણ વિસ્તારોને રોડ કનેક્ટિવિટી મળી રહે તેવી નેમ સાથે 6 માર્ગોને ફોરલેન કરવા નાણાં ફાળવાયાં છે. તેમાં મુન્દ્રા-લુણી-વડાલા રોડના 4.1 કિ.મી., દેશલપર સિરાચા રોડ 5.1 કિ.મી., મુન્દ્રા-ઝરપરા-કાંડગરા-ધ્રબ અને ઝરપરા ગામના બાયપાસ રોડના 5.5 કિ.મી., નવી નાલ ગામના બાયપાસ રોડના 3.3 કિ.મી, મોટા કાંડગરા ગામના 4.5 કિ.મી.. અને મુન્દ્રા ઝરપરા કાંડગરા રોડના 20 કિ.મી.નો સમાવેશ થાય છે.