કુદરતના નિયમો ગમે તેટલા ક્રૂર હોય, પણ મુશ્કેલીના સમયે તે પણ બદલાઈ જાય છે. કંઈક આવી જ અદભુત અને હૃદયસ્પર્શી ઘટના અમરેલીમાં રાજુલા તાલુકાના ખાંભલિયા ગામે જોવા મળી. સામાન્ય રીતે સિંહની સામે શ્વાન આવી જાય તો તેનો શિકાર સેકન્ડોમાં જ કરે છે. જો કે જ્યારે ખુદ સિંહણ અને શ્વાન બંને એકસાથે મોતની સમાન પરિસ્થિતિમાં આવી ગયાં, ત્યારે શિકાર અને શિકારી વચ્ચેના તમામ ભેદભાવ ઓગળી ગયા હતા, જેમને કલાકો બાદ વનવિભાગ દ્વારા રેસ્ક્યૂ કરાયાં હતાં.
