નવી દિલ્હીઃ જ્યારે વિશ્વ ઇરાન યુદ્ધ અને ક્રૂડ ઓઇલના વધતા ભાવથી પીડાઈ રહ્યું છે, ત્યારે ભારતીય અર્થતંત્ર માટે સારા સમાચાર છે. વૈશ્વિક અનિશ્ચિતતાઓ અને મધ્ય-પૂર્વમાં વધતા ભૂ-રાજકીય તણાવ છતાં ભારતનું અર્થતંત્ર મજબૂત રહ્યું છે. આ વિશ્વાસ સાથે ફિચ રેટિંગ્સે ભારતના GDP વૃદ્ધિનો અંદાજ વધાર્યો છે. ફિચે નાણાકીય વર્ષ 2025-’26 (FY2E) માટે ભારતનો GDP વૃદ્ધિદર 7.5 ટકા રહેવાનો અંદાજ મૂક્યો છે. જે અગાઉના અંદાજ 7.4 ટકાથી વધુ છે. ફિચ અનુસાર ભારતના અર્થતંત્ર માટે સૌથી મોટો ટેકો સ્થાનિક માગથી આવી રહ્યો છે.
