ભુજઃ રાજ્ય સરકારના સહકારના કારણે રાજ્યભરમાં અનેક મહિલાઓ પોતાના હુન્નરના બળે આગળ આવીને બિઝનેસ વુમન બની સફળ વેપાર કરી રહી છે. આવી જ કહાની છે કચ્છ જિલ્લાના ભુજ તાલુકાના ચુનડી ગામની. અહીં મહિલાઓ પરંપરાગત હાથ વણાટનો હુન્નર ધરાવતી હોવા છતાં નાણાં તથા સહકારના અભાવે છૂટક મજૂરીકામ કરીને આવક રળતી હતી.
મિશન મંગલમ્ સખીમંડળની 10 વણકર બહેનો 3 વર્ષથી હુન્નરના બળે વિવિધ પ્રોડક્ટ બનાવી વેચાણ કરે છે. સખીમંડળનાં પ્રમુખ સાવિત્રીબહેને જણાવ્યું, અમારા સમુદાયની બહેનોને હાથવણાટ વારસામાં મળ્યું છે, આર્થિક સંકડામણથી મહિલાઓ પોતાની કળા બહાર નહોતી લાવી શકતી. જો કે સરકારે મહિલા સશક્તિકરણના નિર્ધાર સાથે તેમને આ લાભ પ્રાપ્ત કરાવ્યો છે.
