ચેક રિટર્ન કેસમાં વેપારી પરિવારના ચાર સભ્યને જેલ

રાજકોટઃ સામા કાંઠા વિસ્તારમાં ચાંદીના ધંધાર્થીઓ વચ્ચે થયેલા મોટા ગજાના વ્યવહારમાં અદાલતે દાખલા રૂપ ચુકાદો આપ્યો. 267 કિલોથી વધુ વજનની ચાંદીના વહીવટ પેટે આપેલા રૂ. 1.07 કરોડના 5 ચેક રિટર્ન થવાના કેસમાં અદાલતે ઉદ્યોગનગર વિસ્તારના મંડલી પરિવારના 4 સભ્યોને એક-એક વર્ષની સજા ફટકારી છે. આ સાથે જ કોર્ટે આરોપીઓને ચેકની રકમ કરતાં બમણી રકમનું વળતર ફરિયાદીને ચૂકવવાનો આદેશ કર્યો છે.  મંડલી પરિવારે ફરિયાદી રવિ ભાલારા પાસેથી મિત્રતા કેળવી 267.80 કિલો ચાંદી મેળવી હતી.