ભુજઃ કચ્છની આંતરરાષ્ટ્રીય સરહદ નજીક ભારત સરકાર દ્વારા જાહેર કરાયેલા પ્રતિબંધિત વિસ્તારમાં મંજૂરી વિના પ્રવેશ કરનારા બે પરપ્રાંતીય યુવાનો ઝડપાયા. સંવેદનશીલ એરિયામાં પ્રવેશ માટે પરવાનગી અનિવાર્ય હોવા છતાં પ્રવેશ બદલ આ બંને કાશ્મીરી નાગરિકો વિરુદ્ધ ગુનો દાખલ કરાયો છે. સરહદ રેન્જ આઇજી, પશ્ચિમ કચ્છ એસપીની સૂચના હેઠળ એસઓજીની ટીમે તપાસ કરી હતી, જે દરમિયાન લખપતના સાંગણગુ ગામથી ઓડીવાંઠ જતા રસ્તે 2 શંકાસ્પદ ઇસમો હોવાની બાતમી મળી હતી. જેના આધારે પોલીસે જમ્મુ-કાશ્મીરના બંને શખ્સની અટકાયત કરી હતી.
