ગાંધીનગરઃ વાઇબ્રન્ટ ગુજરાત સમિટ 2027ના પૂર્વાર્ધરૂપે યુએસ પ્રવાસે ગયેલા મુખ્યમંત્રી ભૂપેન્દ્ર પટેલે ન્યૂયોર્કમાં વૈશ્વિક કંપનીઓના વડાઓ સાથે વન-ટુ-વન બેઠકો યોજીને ગુજરાતમાં સેમિકંડક્ટર, આઇટી અને ફ્લિટેક ક્ષેત્રે મૂડીરોકાણની નવી ક્ષિતિજો ખોલી છે. હોલ્ટેક ઇન્ટરનેશનલના સીઈઓ સાથેની બેઠકમાં કંપનીએ ગુજરાતમાં સ્મોલ મોડ્યુલર રિએક્ટર્સના ઉત્પાદન અને રિસર્ચ-ડેવલપમેન્ટ સેન્ટર સ્થાપવામાં રસ દાખવ્યો. મુખ્યમંત્રીએ નવી ઇન્ડસ્ટ્રિયલ પોલિસી-2026 હેઠળ ન્યૂક્લિયર પાવર સાધનોને ‘થ્રસ્ટ એરિયા’ તરીકે પ્રોત્સાહિત કરાયા હોવાનું જણાવ્યું હતું. આ ઉપરાંત આઈટી સેવાઓની અગ્રણી કંપની ‘કિન્ડ્રીલ’ના ગ્લોબલ હેડ ઝેકર્સેસ કૂપર સાથેની બેઠકમાં મુખ્યમંત્રીએ ગુજરાતના સ્ટુડન્ટ્સ અને સ્ટાર્ટઅપ્સ માટે એઆઇ સ્ટ્રેટેજિ અને સ્કિલિંગ ક્ષેત્રે સહયોગની ખાતરી આપી હતી.
