Advanced search

કેનેડામાં વસવાટ કરતા અને PR (પરમેનન્ટ રેસિડન્ટ) સ્ટેટસ ધરાવતા હજારો ભારતીયો સહિતના લાખો વિદેશી વસાહતી માટે ચિંતાજનક સમાચાર છે. કેનેડા સરકારે PRનો દરજ્જો ધરાવતા વસાહતીઓ માટે ફેમિલી સ્પોન્સરશિપ હેઠળ ચાલતા લોકપ્રિય ‘પેરેન્ટ્સ એન્ડ ગ્રાન્ડપેરેન્ટ્સ પ્રોગ્રામ’ (PGP)માં નવા અરજી ફોર્મ લેવાની પ્રક્રિયા પર હાલ પૂરતી અટકાવી દૃીધી છે. પરિણામે હવે કેનેડામાં વસવાટ કરતા વિદેશીઓના માતાપિતા પીઆર સ્ટેટસથી વંચિત રહેશે. દેશમાં વિઝા સંબંધિત કામગીરી સંભાળતા ઇમિગ્રેશન-રેફ્યુજી એન્ડ સિટિઝનશીપ કેનેડા (IRCC) વિભાગના જણાવ્યા અનુસાર, આગામી આદેશ સુધી નવા ‘ઇન્ટરેસ્ટ ટુ સ્પોન્સર’ ફોર્મ સ્વીકારાશે નહીં.

કેનેડાના ઘણા વિસ્તારોમાં હાલ ભીષણ ગરમી પડી રહી છે. આકરી ગરમી અને બફારાને કારણે લોકોની મુશ્કેલી વધી ગઇ છે. ટોરોન્ટો સહિત દક્ષિણ ઓન્ટારિયોના ઘણા શહેરોમાં તામપાને જૂના રેકોર્ડ તોડી નાખ્યા છે. ટોરન્ટોના ડાઉનટાઉન વિસ્તારમાં ગયા મંગળવારે પારો 37.3 ડિગ્રી સેલ્સિયસ સુધી પહોંચી ગયો હતો, જે જુલાઈના આ સમય માટે 31 વર્ષ જૂના રેકોર્ડ કરતા પણ વધારે રહ્યો હતો. 

‘તળાવોનું શહેર’ તરીકે આગવી ઓળખ ધરાવતા ભોપાલ શહેરથી કૌતુક ઉપજાવે તેવા સમાચાર આવ્યા છે. જુલાઈ મહિનાનો અંત નજીક દેખાઇ રહ્યો હોવા છતાં અપેક્ષિત વરસાદ ન પડતાં મધ્યપ્રદેશના ચિંતાતુર લોકો મેઘરાજાને રિઝવવા નોખા-અનોખા ઉપાય અજમાવી રહ્યા છે.

અનુપમ મિશન-ડેનહામની પવિત્ર ભૂમિના આધ્યાત્મિક ઇતિહાસમાં બુધવારે સુવર્ણ પૃષ્ઠ ઉમેરાયું હતું. આ પ્રસંગે શ્રી ગુરુ આજ્ઞા મંત્રદીક્ષા મહોત્સવ, ૐ ક્રિમેટોરિયમનો ઉદ્ઘાટન સમારંભ અને અનુપમ મિશનની સુવર્ણ જયંતી મહોત્સવ એમ ત્રિવિધ કાર્યક્રમ રંગેચંગે યોજાયા હતા. સંત ભગવંત સાહેબદાદાના દિવ્ય સાંનિધ્યમાં યોજાયેલા આ પાવન અવસરે સદગુરુ સાધુ પૂ. અશ્વિનદાદાના 85મા પ્રાગટ્ય પર્વની પણ ભક્તિભાવપૂર્વક ઉજવણી કરાઇ હતી.

ઇંગ્લેન્ડના આશરે 15 લાખ જેટલા સોશિયલ કેર વર્કર્સ માટે સરકારે એક મહત્વનો નિર્ણય લીધો છે. હેલ્થ સ્ટાફ અને કેર વર્કર્સ વચ્ચેના વેતન તફાવતરને ઘટાડવાના ઉદ્દેશ્યથી હવે તેમને પણ નેશનલ હેલ્થ સર્વિસ (એનએચએસ)ની જેમ વાર્ષિક ધોરણે પગાર વધારો આપવામાં આવશે.

ભારત સરકારના બ્યુરો ઓફ ઈમિગ્રેશન દ્વારા ભારતમાં સબમિટ કરવામાં આવતી ઓવરસીઝ સિટીઝન ઓફ ઈન્ડિયા (OCI) કાર્ડ અરજીઓ માટેના વિઝા નિયમોમાં મોટો સુધારો કરવામાં આવ્યો છે.