નાઇજરઃ નાઇજિરિયાના નાઇજરમાં એક કેથોલિક સંસ્થા પર બંદૂકધારી શખ્સોના હુમલા પછી સ્કૂલના 303 વિદ્યાર્થી અને 12શિક્ષકનું અપહરણ કરાયું હતું. ક્રિશ્ચિયન એસોસિએશન ઓફ નાઇજીરીયા (CAN) દ્વારા કહેવાયું હતું કે બંદૂકધારી તત્વો 215 વિદ્યાર્થીઓનું અપહરણ કરીને ઉઠાવી ગયા છે. CAN ની નાઈજર સ્ટેટ બાન્ચના ચેરમેન રેવરેન્ડ બુલુસ દૌવા યોહાનાના અનુસાર, ચકાસણી પ્રક્રિયા અને અંતિમ ગણતરી પછી સંખ્યા બદલવામાં આવી હતી. યોહાનાએ શુક્રવારે શાળાની મુલાકાત લીધી હતી. તેમણે કહ્યું હતું કે હુમલા દરમિયાન 88 અન્ય વિદ્યાર્થીઓ ભાગી જવાનો પ્રયાસ કરતી વખતે પકડાયા હતા.
આફ્રિકામાં દેવાં અને નાણાકીય ખેંચનું ‘વવાઝોડું’
જોહાનિસબર્ગઃ યુનાઈટેડ નેશન્સના મહામંત્રી એન્ટોનિયો ગુટેરેસે G20 સમિટ પહેલા જણાવ્યું હતું કે આફ્રિકા અને મોટા ભાગના વિકાસશીલ દેશો ઘટતી નાણાકીય સ્પેસ, વધતાં દેવાં અને દેશોને હાંસિયામાં રાખતી વૈશ્વિક નાણાકીય સિસ્ટમના ‘વાવાઝોડાં’નો સામનો કરી રહ્યા છે. તેમણે કહ્યું હતું કે આફ્રિકા સંસ્થાનવાદનો બેવડો શિકાર છે. પહેલા સદીઓ સુધી શોષણ અને લૂંટફાટ અને તે પછી આંતરરાષ્ટ્રીય સંસ્થાઓની રચનાના પરિણામે મોટા ભાગના આફ્રિકન દેશો હજુ પણ સંસ્થાનવાદી શાસન હેઠળ છે અને ટેબલ પર તેમનો અવાજ ગેરહાજર રહે છે. ગુટરેસે કહ્યું હતું કે આફ્રિકન દેશો વૈશ્વિક ફાઈનાન્સિયલ અને યુએન સિક્યુરિટી કાઉન્સિલ સહિત ગવર્નન્સ સંસ્થાઓમાં નહિવત્ પ્રતિનિધિત્વ ધરાવે છે. આફ્રિકા ખંડમાંથી માત્ર સાઉથ આફ્રિકા જ G20નું સભ્ય છે.
