મોગાદિશુઃ સોમાલિયાની એક હોટેલમાં ચાર ત્રાસવાદીઓએ ઘૂસીને આડેધડ ગોળીબાર ચાલુ કરતા ૨૮ વ્યક્તિઓનાં મૃત્યુ નિપજ્યા છે. જ્યારે ૧૪ જણા ઘાયલ થયા છે. સુરક્ષાદળોએ ચારે હુમલાખોરોને ઠાર કર્યા હતા.
સોમાલિયાના પાટનગર મોગાદિશુની દાયાહ હોટેલ એવું સ્થળ છે જ્યાં ઘણીવાર સરકારી અધિકારીઓ, જુદા જુદા પ્રાંતના નેતાઓ કે મહત્ત્વના માણસો ત્યાં રોકાતા હોય છે. તેમ એક વરિષ્ઠ પોલીસ અધિકારીએ કહ્યું હતું બચી ગયેલા ઘાયલોએ આપેલી માહિતી અનુસાર અલશબાબના મનાતા આ ત્રાસવાદીઓએ લાતો મારીને ત્યાં રહેલા લોકો પાસે દરવાજા ખોલાવ્યા હતા તો ઘણાને પોતે બચાવકર્મીઓ હોવાની ઓળખ આપીને રૂમ ખોલાવી નાંખ્યા હતા. જોકે સુરક્ષાદળોએ વળતા પ્રહારમાં ચારને હોટેલમાં જ ઢાળી દીધા હતા.
