દધાલિયા ગામે બાવળના ઝાંખરામાંથી મહિલાનો મૃતદેહ મળ્યો

મોડાસાઃ મોડાસાના દધાલિયા ગામ નજીક પ્રતાપસિંહ હિંમતસિંહ બિહોલાના ખુલ્લા ખેતરમાં બાવળની ઝાડીમાં ૫૦ વર્ષીય આધેડ મહિલાનો મૃતદેહ હોવાની માહિતી દધાલિયાના સરપંચ બાનુભાઈ પંડ્યાને થતાં તે ઘટનાસ્થળે પહોંચ્યા હતા. એ પછી તેમણે મોડાસા રૂરલ પોલીસને જાણ કરતા પોલીસે મહિલાના મૃતદેહનો કબજો લઈ પી.એમ. અર્થે ખસેડી મહિલાની ઓળખ અને મહિલાના પરિવારજનોની શોધખોળ હાથ ધરી હતી.