ગુજરાતના ૮ શહેર વચ્ચે ટૂંક સમયમાં આંતરરાજ્ય ફ્લાઈટ શરૂ કરાશે

 અમદાવાદઃ ગુજરાતમાં કુલ પાંચ રૂટ પર આંતરરાજ્ય ફ્લાઇટ શરૂ કરવા માટેનો ગુજરાત સ્ટેટ એવિએશન ઈન્ફ્રાસ્ટ્રક્ચર લિ. દ્વારા પ્રસ્તાવ રજૂ કરવામાં આવ્યો છે. જેમાં અમદાવાદ-ભૂજ-રાજકોટ-અમદાવાદ,અમદાવાદ-કેશોદ-પોરબંદર-અમદાવાદ, સુરત-અમદાવાદ-સુરત, સુરત-ભાવનગર-સુરત અને સુરત-અમરેલી-સુરતનો સમાવેશ થાય છે. 'ઉડાન' યોજના હેઠળ આ પ્રસ્તાવિત ફ્લાઇટ શરૂ કરવા માટેની મંજૂરી પણ આપી દેવામાં આવી છે. આગામી સમયમાં આ ફ્લાઇટ માટે બિડ મૂકવામાં આવે તેની પણ સંભાવના છે. આ ફ્લાઇટ સપ્તાહમાં ૬ દિવસ માટે ઉડાન ભરશે અને એક દિવસ મેઇન્ટેનન્સ માટે આપવામાં આવશે.