ગુજરાતી ફિલ્મ ઓસ્કાર જીતે તો રૂ. પાંચ કરોડનું ઇનામ

ગુજરાત સરકારે ગુજરાતી ફિલ્મોનાં નિર્માણને પ્રોત્સાહન આપવાના ભાગરૂપે નવી ગુણવત્તા નીતિ - ૨૦૧૬ની જાહેરાત કરી છે. જે મુજબ ગુજરાતી ફિલ્મોને ૫થી ૫૦ લાખ સુધીની સહાય ચૂકવવામાં આવશે. જ્યારે ઓસ્કર, કાન્સ સહિતના ઇન્ટરનેશનલ એવોર્ડ વિજેતા ફિલ્મને રૂ. ૨થી ૫ કરોડ અને નેશનલ એવોર્ડ વિજેતા ફિલ્મને રૂ. ૧ કરોડનો પુરસ્કાર એનાયત થશે. જોકે રાજ્ય સરકારની સહાય મેળવવા માટે ફિલ્મોએ ૧૦૦ ગુણની પરીક્ષા પાસ કરવી પડશે. આ પ્રમાણે ગુણ મેળવનારી ફિલ્મોને એબીસીડી ગ્રેડમાં વર્ગીકૃત કરીને સહાય અંગેનો નિર્ણય લેવાશે. આ નીતિમાં ગુજરાતી ફિલ્મોને ૧૦૦ ટકા કરમુક્તિની પણ જાહેરાત કરાઈ છે.