જીએસટીના દરોડામાં રૂ. ૬૦૩૦ કરોડના કૌભાંડ પકડાયા

અમદાવાદઃ જીએસટી વિભાગે ૨૯મીએ ૧૧ વાગ્યાથી સાંજે પાંચ વાગ્યા દરમિયાન માત્ર છ કલાકમાં રાજ્યના અગ્રણી શહેરોમાં ૨૮૨ સ્થળે દરોડાની કાર્યવાહી કરીને આશરે રૂ. ૬૦૩૦ કરોડના બોગસ બિલિંગના વ્યવહારો ઝડપી પાડ્યા હતા. ગુજરાત સ્ટેટ જીએસટી વિભાગે અત્યાર સુધીનું સૌથી મોટું બોગસ બિલિંગ ઝડપી પાડ્યું હોવાનું જીએસટીના ચીફ કમિશનર પી. ડી. વાઘેલાએ જણાવ્યું હતું. તેમણે કહ્યું કે, આ તપાસમાં જણાયું કે બોગસ બિલોના આધારે રૂ. ૯૧૦ કરોડની જીએસટીની ટેક્સ ચોરી કરવામાં આવી છે.