ડાકોર, દ્વારકા, શામળાજીમાં કૃષ્ણ જન્મોત્સવની ઉજવણી

અમદાવાદઃ રાજ્યના સુપ્રસિદ્ધ કૃષ્ણધામો દ્વારકા, ડાકોર અને શામળાજીમાં જન્માષ્ટમી પર્વની રંગેરંગે ઉજવણી કરવામાં આવી હતી. શુક્રવારે રાત્રે બરાબર 12ના ટકોરે, ભગવાન શ્રીકૃષ્ણના જન્મોત્સવ ઉજવાયો હતો. આ બાદ ભગવાને પારણે ઝુલાવવામાં આવ્યા હતાં.
કૃષ્ણ જન્મોત્સવને વધામણા કરવા ભક્તો મંદિર પરિસરમાં આવતાં હજારો શ્રદ્વાળુઓથી પરિસર છલકાઇ ગયું હતું. આ સમયે ડાકોર ‘નંદ ઘેર નંદ ભયો, જય કનૈયાલાલ કી’, ‘હાથી ઘોડા પાલખી જય કનૈયાલાલ કી’ના ઘોષથી ગૂંજી ઉઠ્યું હતું. દ્વારકા, શામળાજી ખાતે હજારોની સંખ્યામાં શ્રદ્વાળુઓ કૃષ્ણ જન્મોત્સવમાં જોડાયા હતા. આ સમયે માખણ, દહીં, પંચાજીરીનો પ્રસાદ પણ ભક્તોએ ગ્રહણ કરી ધન્યતા અનુભવી હતી. ભક્તો આતુરતાથી જન્મોત્સવની રાહ જોઇ રહ્યા હતા.