મોટેરા સ્ટેડિયમમાં યોજાયેલા નમસ્તે ટ્રમ્પ કાર્યક્રમ દરમિયાન ઊડીને આંખે વળગે તેવી બાબત રહી તે મંચ પર મુકાયેલી માત્ર બે ખુરશી. પ્રમુખ ટ્રમ્પ અને વડા પ્રધાન મોદી માટે મંચ પર એક જ ખુરશી મુકાઇ અને બન્ને નેતા વારાફરતી તેમાં બેઠા. પ્રોટોકોલની દૃષ્ટિએ આવું બનતું નથી. અમેરિકાના પ્રમુખની ખુરશીમાં મોદીનું બેસવું એ તેમના આંતરરાષ્ટ્રીય સ્તરે શક્તિશાળી અસ્તિત્વની પ્રતીતિ કરાવે છે. સાથોસાથ આ ઘટના મોદી-ટ્રમ્પની દોસ્તીનું પ્રતીક ગણી શકાય. મોદી સંબોધન કરવા ઊભા થયા ત્યારે ટ્રમ્પ એ ખુરશી પર બેઠા. રાજદ્વારી પ્રોટોકોલ પ્રમાણે આ ઘટના કોયડા સમાન છે કારણ કે મોદી સંબોધન કરવા ઊભા થયા ત્યારે ટ્રમ્પ ખુરશી પર બેઠા હતા અને તેમની બાજુની ખુરશીમાં તેમના પત્ની મેલાનિયા બેઠાં હતા.