ટેમ્પલ ઓફ ડેમોક્રેસીઃ સોના-ચાંદી અને હીરાથી મઢેલું ભારતીય સંસદ ભવન

સુરત શહેરના સરસાણામાં યોજાયેલા જેમ્સ એન્ડ જ્વેલરી મેન્યુફેક્ચરર એક્ઝિબિશનમાં રજૂ થયેલી નવા સંસદ ભવનની 15 કિલો ગોલ્ડ, ચાંદી અને ડાયમંડની પ્રતિકૃતિ આકર્ષણનું કેન્દ્ર બની છે. ‘ટેમ્પલ ઓફ ડેમોક્રેસી’ નામની આ પ્રતિકૃતિના નિર્માણમાં સુરતના 50 જેટલા જ્વેલર્સનું યોગદાન છે. નવા સંસદ ભવનની આ બેનમૂન કલાકૃતિ 15 કિલો ગોલ્ડ, ચાંદી અને ડાયમંડમાંથી સાકાર કરાઇ છે. થ્રી-ડી પ્રિન્ટિંગ ટેક્નોલોજીનો ઉપયોગ કરીને બનાવાયેલી આ કૃતિમાં નેચરલ ડાયમંડ ઉપરાંત લેબગ્રોન હીરાનો પણ ઉપયોગ કરાયો છે. સંસદ ભવનની પ્રતિકૃતિ બનાવનાર રાકેશકુમારે જણાવ્યું હતું કે, ટેમ્પલ ઓફ ડેમોક્રેસી પ્રતિકૃતિ બનાવવી એ અમારા માટે એક મોટી ચેલેન્જ હતી. અમે દિવસ-રાત કામ કરીને આ અઘરું કામ પાર પાડ્યું છે. કારીગરોએ ખૂબ જ મહેનત કરી છે. આમાં ગોલ્ડ, સિલ્વર સહિતનાં મટીરિયલ - સ્ટોન તેમજ લેટેસ્ટ ટેક્નોલોજીનો ઉપયોગ કરાયો છે.