અમદાવાદ: અમદાવાદની નરોડા વિધાનસભા બેઠક પરથી પત્ની પીડિત દુઃખી પતિઓ માટેની સંસ્થા ચલાવતા દશરથ દેવડાએ અપક્ષ તરીકે ઉમેદવારી નોંધાવી છે. પહેલી વાર ચૂંટણીમાં ઝુકાવતા ઉમેદવારનું ચૂંટણી લડવાનું કારણ છે કે, નરોડામાં પત્ની પીડિત દુઃખી પતિઓની સંખ્યા વધારે છે. એટલે તેમને ન્યાય અપાવવા ઉમેદવારી કરી છે. હવે તેમના માટે પ્રચાર કરવા તમામ દુઃખી પતિઓ ભેગા થઈ રહ્યા છે. રવિવારે નરોડા વિધાનસભા મત વિસ્તારમાં આ દુઃખી પતિઓએ ૧૦ કિલોમીટર સુધીનો રોડ શો કર્યો હતો.
