પૂર્વ સમજૂતી પ્રમાણે જાપાન ભારતને ૨૪ બુલેટ ટ્રેન આપશે

અમદાવાદઃ ભારત અને જાપાન વચ્ચે થયેલી બુલેટ ટ્રેન પ્રોજેક્ટ માટેની સમજૂતી મુજબ જાપાન આપશે તે ૨૪ બુલેટ ટ્રેન મેક ઇન ઇન્ડિયા પ્રોજેક્ટ હેઠળ ભારતમાં જ તૈયાર (એસેમ્બલ) કરાશે. નેશનલ હાઈ સ્પીડ રેલ કોર્પો.ના અધિકારીએ જણાવ્યું કે, જાપાન સરકારના સહયોગથી રૂ. ૧.૧૦ લાખ કરોડનો ખર્ચ અમદાવાદ-મુંબઈ વચ્ચે બુલેટ ટ્રેન પ્રોજેક્ટની કામગીરી ચાલે છે. જેમાંથી ૮૧ ટકા હિસ્સો જાપાન ઇન્ટરનેશનલ કો-ઓપરેશન એજન્સી (જાયકા) આપશે જ્યારે બાકીનો ૧૯ ટકા એટલે કે લગભગ ૨૦૫૦૦ કરોડનો ખર્ચ ભારત સરકાર કરશે જેમાંથી બુલેટ ટ્રેનના કોચ તૈયાર કરાશે.