એસટીની ટક્કરે ખેડાસા દૂધ મંડળીના સેક્રેટરીનું મોત થતાં ચક્કાજામ

આણંદઃ બોરસદ તાલુકાના ભાદરણ-ગંભીરા માર્ગ પર ઇંગ્લાવડી પાસે પાંચમીએ સાંજે બોરસદથી કિંખલોડ તરફ જતી બસે ખેડાસા દૂધ મંડળીના સેક્રેટરી મનુભાઈ સોલંકીની કાર અડફેટે લેતાં આ અકસ્માતમાં મનુભાઈનું ઘટનાસ્થળે મોત થયું. જેથી ઉશ્કેરાયેલા ટોળાએ એસટી બસના કાચ તોડી નાંખ્યા હતા અને ચક્કાજામ કરતા સાત-સાત કિમી સુધીનો ટ્રાફિકજામ સર્જાયો હતો. ટોળાંને વિખેરવા માટે પોલીસે લાઠીચાર્જ કરવો પડ્યો અને ચાર લોકોની ધરપકડ કરી હતી.