સ્વાઈન ફ્લુના કારણે ડાકોરમાં ભક્તો ઘટ્યા

નડિઆદઃ સ્વાઇન ફ્લૂના હાહાકારની અસર ફાગણી પૂનમે ડાકોરમાં પણ જોવા મળી હતી. સામાન્ય રીતે દર વર્ષે અહીં અંદાજે ૧૨ લાખ લોકો ભક્તો દર્શન માટે આવે છે. પરંતુ આ વર્ષે માત્ર ૩૦ ટકા જ દર્શનાર્થીઓ આવતા ચાર લાખ યાત્રિકોથી ડાકોર ખાલીખમ લાગતું હતું. પોલીસનો ચુસ્ત બંદોબસ્ત ચોતરફ જોવા મળતો હતો. પરંતુ મંગળા આરતી બાદ ૯ કલાકથી આડબંધો પણ ખુલી ગયા હતા અને ક્રમશઃ શાંતિથી દર્શન થઈ શકે તેવી સ્થિતિ સર્જાઈ હતી. દર્શનાર્થીઓનો પ્રવાહ સતત બપોરે ૩ કલાક સુધી ચાલુ રહ્યો હતો ત્યારબાદ જાણે મંદિર પરિસરમાં સ્મશાનવત શાંતિ વ્યાપી હોય તેવું જણાતું હતું.