રાજ્યના કુલ મતના ૧.૮ ટકા ‘નોટા’

અમદાવાદઃ પોતાના મત વિસ્તારમાંથી ઊભેલો એક પણ ઉમેદવાર ચૂંટણી જીતવાને લાયક નથી એવું સાબિત કરવા માટેનું બટન એટલે ‘નોટા’ (નન ઓફ અબોવ). ગુજરાતમાં વિધાનસભાની ચૂટણીમાં આ વખતે ૫.૫૧ લાખ મતદારોએ ‘નોટા’ પ્રેસ કર્યું છે. રાજ્ય ચૂંટણીપંચના મતે, ગુજરાતના કુલ મતના ૧.૮ ટકા મત નોટાને મળ્યાં છે. આ તરફ, એનસીપી, બીટીપી, બહુજન સમાજ પાર્ટી સહિતના નાના રાજકીય પક્ષોનેય નોટા કરતાં ઓછા મતો મળ્યાં છે.