સોનાની દાણચોરીના કેસમાં બે પૂર્વ કસ્ટમ્સ ઓફિસર્સ સામે CBIનો કેસ

અમદાવાદઃ સરદાર વલ્લભભાઇ પટેલ આંતરરાષ્ટ્રીય એરપોર્ટ ઉપર દુબઈ અને અબુધાબીથી સોના, કેસર અને ગુટકાની દાણચોરી કરવાના આરોપમાં સીબીઆઈએ કસ્ટમના બે સુપરિન્ટેન્ડન્ટ્સ અને અન્ય પાંચ જણા સામે લાંચ સહિત અન્ય કલમો હેઠળ ગુનો નોંધ્યો છે. ડીઆરઆઈના રિપોર્ટના આધારે સીબીઆઈએ કસ્ટમના બે અધિકારીઓ સામે ગુનો નોંધાતા કસ્ટમ વિભાગમાં ફફડાટ ફેલાયો છે. બંને કસ્ટમ અધિકારીઓ સામેના ગુનાઓની તપાસ માટે ભ્રષ્ટાચાર નિવારણ અધિનિયમ ૧૯૮૮ ની કલમ ૧૭૪ હેઠળ મંજૂરી મળી છે. ઉલ્લેખનીય છે કે, વર્ષ ૨૦૧૮ થી ૨૦૧૯ દરમ્યાન અમદાવાદ એરપોર્ટ ઉપર ૧૪૦૦ કરોડનો સોનોનો જથ્થો તબક્કાવાર લાવવામાં આવ્યો હતો.
ગાંધીનગર સીબીઆઈએ નોંધેલી ફરિયાદમાં કસ્ટમ સુપરિન્ટેન્ડન્ટ્સ સોમનાથ ચૌધરી અને સુજીત કુમારને અગાઉ હવાઈ ગુપ્તચર યુનિટમાં પોસ્ટ કરાયેલા આરોપી તરીકે નામ આપવામાં આવ્યું હતું. સજાહણ ચૌધરી, શાહિદુલ ચૌધરી, મોહમ્મદ મન્સુરી (રહે. વલસાડ), મોહમ્મદ આઝમ મુંબઇના અને શમીમ દુબઈના આરોપી તરીકે દર્શાવવામાં આવ્યા છે. સીબીઆઈએ જણાવ્યા મુજબ ડીઆરઆઈ દ્વારા લેખિત ફરિયાદ મળી છે કે વાપી સ્થિત કેટલાકના કેટલાક લોકો સોનાની પેસ્ટમાં તસ્કરી કરવા માટે કેરર્સ તેમજ અમદાવાદ એરપોર્ટથી દુબઈ અને અબુધાબીથી ૨૪ કેરેટના સોનાના ઝવેરાત લાવવાના છે જેના આધારે ડીઆરઆઈએ ૨૭મી જૂન ૨૦૧૯ના રોજ સરદાર વલ્લભભાઇ પટેલ આંતરરાષ્ટ્રીય વિમાનમથકથી ૧.૪ કિલો વજનની સોનાની ચેન, ૧૦ કિલો ઇરાની કેસર અને ૪૦૦૦ પાઉચ જેમાંથી ૪ ગ્રામ ગુટકા પકડ્યું હતું.