પૂ. મોરારિબાપુના નાના ભાઈ ટીકાબાપુનું નિધન

ભાવનગરઃ પૂ. મોરારિબાપુના સૌથી નાના ભાઈ જાનકીદાસ પ્રભુદાસ હરિયાણી (ટીકાબાપુ)નું ૧૩ એપ્રિલે ટૂંકી બીમારી બાદ અમદાવાદમાં અવસાન થયું છે. ૫૪ વર્ષના ટીકાબાપુના પાર્થિવ દેહને ચિત્રકૂટધામ - તલગાજરડા ખાતે રવિવારે સમાધિ આપવામાં આવી હતી. પૂજ્ય મોરારિબાપુ રવિવારે રત્નાવલી - ઉત્તર પ્રદેશની કથા પૂર્ણ કરીને તલગાજરડા પહોંચ્યા બાદ ચિત્રકૂટ ધામ ખાતે સમાધિપૂજનની વિધિ કરવામાં આવી હતી. ટિકાબાપુનું નિધન થતાં આ વર્ષે હનુમંત સંગીત મહોત્સવ અને અસ્મિતા પર્વનું આયોજન બંધ રાખવાનો નિર્ણય કરાયો છે. દર વર્ષે મોરારિબાપુની પાવન નિશ્રામાં અસ્મિતા પર્વની ઉજવણી
થાય છે.