ભાવનગરઃ ભાવનગર જિલ્લાના ઘોઘા તાલુકાના બાડી-પડવા ગામે ૨૨ વર્ષ પહેલા સંપાદિત થયેલી જમીનનો કબજો લેવા માટે પહેલી એપ્રિલે ગુજરાત પાવર થર્મલ કોર્પોરેશનના અધિકારીઓ તાત્કાલિક પોલીસના કાફલા સહિત ઘટના સ્થળે પહોંચ્યા હતા.
આ સમયે અસરગ્રસ્ત ૧૨ જેટલા ગામોની મહિલાઓ સહિત ગ્રામજનોએ આ કાર્યવાહીનો વિરોધ કરતા એકત્ર થયેલા ૧૦,૦૦૦થી વધુના ટોળાને કાબુમાં લેવા પોલીસે લાઠીચાર્જ અને અશ્રુવાયુના ૫૦ જેટલા સેલ છોડ્યા હતા. આ બનાવ અંગે પોલીસે ૧૦ મહિલાઓ, ૫ વિદ્યાર્થી સહિત ૫૦ જેટલા ખેડૂતોની અટકાયત કરી હતી. જ્યારે ગ્રામ્યજનોએ પોલીસના પગલાને દમનકારી ગણાવી જલદ પગલાની ચેતવણી આપી હતી.