‘આપણી સરકારમાં સૌનો સાથ, સૌનો વિકાસ’

મુખ્ય પ્રધાન વિજય રૂપાણી અને નાયબ મુખ્યપ્રધાન નીતિન પટેલના નેતૃત્વ હેઠળની સરકારના પાંચ વર્ષ પૂરા થતાં ‘આપણી સરકારમાં સૌના સાથ, સૌના વિકાસ’ના થીમ સાથે રાજ્યમાં ૧ થી ૯ ઓગષ્ટ સુધી ૧૮ હજાર સ્થળોએ ૧૫ હજાર કરોડથી વધુના સેવાકીય કામો, યોજનાના લાભો અંગેના કાર્યક્રમોનો આરંભ થયો છે. ઊજવણીના પ્રથમ દિવસે મુખ્યપ્રધાન વિજય રૂપાણીએ ‘જ્ઞાનશક્તિ દિવસ’માં શિક્ષણ સુવિધાઓના લોકાર્પણ-ખાતમૂહુર્ત તેમજ સહાય વિતરણનો મહાત્મા મંદિર, ગાંધીનગરથી આરંભ કરાવ્યો હતો. આ કાર્યક્રમમાં શિક્ષણ પ્રધાન ભૂપેન્દ્રસિંહ ચુડાસમા, ભાજપ પ્રદેશપ્રમુખ સી. આર. પાટીલ, મુખ્ય સચિવ અનિલ મુકીમ, મુખ્યપ્રધાનના અગ્ર સચિવ કૈલાસનાથન સહિત શિક્ષણ જગતના અગ્રણીઓ લાભાર્થી યુવા છાત્રો ઉપસ્થિત રહ્યા હતા.