નવી દિલ્હી: યુએસ પ્રેસિડન્ટ ટ્રમ્પે પાકિસ્તાન સાથે ટ્રેડ ડીલ કરવાની જાહેરાત કરી છે. તેમણે જણાવ્યું હતું કે અમેરિકા પાકિસ્તાન સાથે કામ કરીને મોટાપાયા પર ઓઇલ ડિસ્કવીરમાં મદદ કરશે. તેમણે જણાવ્યું હતું કે પાકિસ્તાન પાસે જંગી ઓઇલ રિઝર્વ છે. જોકે હજી સુધી તે સ્પષ્ટ થઈ શક્યું નથી કે પાકિસ્તાન પાસે કયા પ્રકારની જંગી ઓઇલ અનામતો છે જેનો ટ્રમ્પ દાવો કરી રહ્યા છે. ટ્રમ્પે જણાવ્યું હતું કે ભવિષ્યમાં એક દિવસ એવો પણ આવી શકે કે પાકિસ્તાન ભારતને ઓઇલ વેચતું હોય. ટ્રમ્પે સોશિયલ મીડિયા પર તેની પોસ્ટમાં જણાવ્યું હતું કે અમે પાકિસ્તાન સાથે ટ્રેડ ડીલ કર્યુ છે, જેમા અમેરિકા પાકને તેના ઓઇલ રિઝર્વ વિકસાવવામાં મદદ કરશે. અમે આ માટે ઓઇલ કંપની પસંદ કરવાના છીએ, જે આ ભાગીદારીને આગળ ધપાવશે. ક્યારેક કોઈ દિવસે પાકિસ્તાન ભારતને તેના ઓઇલનું વેચાણ કરતું હોય તો આશ્ચર્ય નહીં થાય.
