નવેમ્બરથી ઈરાન પર પ્રતિબંધઃ સાઉદી ભારતને વધુ ૪૦ લાખ બેરલ ક્રૂડ આપશે

સિંગાપોર-નવીદિલ્હીઃ વિશ્વના સૌથી મોટા ઓઇલ નિકાસકર્તા સાઉદી અરેબિયા નવેમ્બરમાં ભારતને વધુ ૪૦ લાખ બેરલ ક્રૂડ ઓઇલ આપશે તેમ આ ક્ષેત્ર સાથે સંકળાયેલા સૂત્રોએ જણાવ્યું છે. સાઉદી અરેબિયાની આ જાહેરાતથી સ્પષ્ટ થાય છે કે તે નવેમ્બરથી ઓઇલનું ઉત્પાદન વધારશે. ચાર નવેમ્બરથી અમેરિકાએ ઇરાન પર મૂકેલા પ્રતિબંધની શરૂઆત થશે. અમેરિકાએ વિશ્વના તમામ દેશોને ચેતવણી આપી છે કે ૪ નવેમ્બરથી ઇરાન પાસેથી ઓઇલની ખરીદી બંધ કરવી પડશે. જે દેશો ચોથી નવેમ્બર પછી પણ ઇરાન પાસેથી ઓઇલની ખરીદી કરવાનું ચાલુ રાખશે તેમને આર્થિક પ્રતિબંધોનો સામનો કરવો પડશે.